Pehle zindgi khud ek pyara lamha thi
Aaj us ek lamhe ke liye tadapte hain.
Pehle popcorn ke tarah dil mein uchalti thi ye yaadein
Aaj dil apna sa mooh lekar betha hai ek kone mein.
Pehle sur chaashni ki tarah rago mein ghul jaate hain
Aaj paisa rago mein daudta hai.
Pehle teri di hui daru ki khali bottle bhi nasha kar jaati thi
Aaj daaru peekar bhi wo yaadein dastak nai deti.
Pehle us toote ghar mein jakar buddhe nana ko pareshan karte the
Aaj khud ki lagaain gaathon se pareshan hain.
Pehle aasmaan choone nikkar mein nikal jaate the
Aaj ahankaar ki deewar paar kar milne tak nai aate.
Pehle dhooen ke challe bana kar kisse baata karte the
Aaj us dhooen ke paar sab dhundla gaya hai.
Pehle bhalu ko gudgudi kar, cycle churakar bhaga karte the
Aaj gaaadi se itna aage aagaye, ki aaine mein nazar hi nai aate.
Pehlle aakhri panno par cheeta makaudi karke kashti banate the
Aaj uni kashtiyon pe sawar kahi door nikal gaye hain.
Pehle baarish ke golo ki chuski banakr khaate the
Aaj chhatri lekar usi bearish ye door bhaagte hain.
Pehle aansu poch dete the ek dusre ke haste haste
Aaj ek dusre ke saamne rone se bhi katrate hain.
Kya ye bada hona hai?
Ya ye khud ko khona hai?
Ret phisal kar khud mein miljati hai
Hum fisle to rakh mein dhal jaenge.
Purine din ki jagmagati roshni ka mazaa lootlo
chauhda din, fir wo kaali raat dastak degi.
Parchaai bhi chood parayi ban jaegi
Dost, teri ye dosti tab tujhse’ dum’ lagwaegi.
No comments:
Post a Comment